CURSO 2011/2012
22 diferentes mochilas irán polas casas dos alumnos e alumnas, con libros, revistas, cds e películas, para que toda a familia comparta a ilusión da lectura.
En cada mochila incluiremos, ademais das instruccións e do contido das mesmas, unha ficha para facer constar as opinións suscitadas sobre a actividade e o material enviado. Se se quere tamén se pode facer algún debuxo, ou engadir algunha foto. Ao rematar a actividade faremos un “diario das mochilas”, que quedará encadernado e arquivado na Biblioteca á disposición de quen queira.
A mochila estará nas casas durante 7 días.
Con esta nova experiencia pretendemos conseguir uns obxectivos:
• Que todas as familias se conciencien da importancia que ten a lectura na aprendizaxe.
• Tomar conciencia tamén do importante papel que ten a familia no fomento da lectura.
• Dar a coñecer os diferentes tipos de soportes nos que podemos atopar esta lectura: libros informativos, libros de ficción, cómics, revistas, dvds, cds, ....
• Fomentar e consolidar o hábito lector.
Non pretendemos que se vexa esta actividade como uns “deberes” , senón como un xeito de compartir e gozar de todo o material en familia.
Queremos lembrar tamén que os pais e nais que o desexen poden facerse socios da BE. Non tedes máis que achegarvos a ela e solicitar o carné de usuario.
O seguimento desta actividade, e as opinións que vaian chegando estarán tamén dispoñibles no blog da Biblioteca;
0 comentarios:
Publicar un comentario